Nebiti,  gazy  gaýtadan  işlemegiň  himiki  tehnologiýasy  kafedrasy  2012-nji  ýylda  döredildi. Kafedra  Himiýa  tehnologiýasy we ekologiýa  fakultetiniň  düzüm  bölegi  bolmak  bilen, uniwersitetiň  gurluş  bölümleriniň   biridir.

       Kafedranyň  esasy  wezipesi  okuw-terbiýeçilik,  ylmy-barlag  we  taslama  işlerini  döwrüň  talabyna  laýyklykda  guramak  we ýolagoýmak bolup durýar.

       Ýagşygeldi  Kakaýew  adyndaky  Halkara  nebit   we  gaz  uniwersitetiniň  Himiýa  tehnologiýasy  we  ekologiýa  fakultetiniň  Nebiti,gazy  gaýtadan  işlemegiň  himiki  tehnologiýasy  kafedrasynda  Türkmenistanyň  Nebitgaz  toplumynyň  “Türkmengaz”  döwlet  konserni, “Türkmennebit”  döwlet  konserni,  “Türkmenhimiýa”  döwlet   konserni  hem-de   dolandyryş  müdirlikleri  we  edara-kärhanalary   üçin “Nebiti  we  gazy  gaýtadan  işlemegiň  himiki  tehnologiýasy”   hünäri  boýunça  hünärmenler  taýýarlanýar.  “Himiýa tehnologiýasy”taýýarlyk  ugry  boýunça  bakalawrlar  we  “Uglewodorod  gazlaryny  gaýtadan  işlemegiň  tehnologiýasy”   taýýarlyk  ugry  boýunça magistrler   goýberilýär.

       Türkmenistanyň   Ylymlar   akademiýasynyň   Himiýa   institutynda  we   Tehnologiýalar   merkezinde   uniwersitetiň   Nebiti,   gazy gaýtadan  işlemegiň  himiki  tehnologiýasy  atly  binýatlyk  kafedralary  döredildi.  Binýatlyk   kafedralarynda  alymlar  we  hünärmenler ýörite  hünär  derslerinden  umumy  okuw  we   amaly  sapaklary  okadýarlar;  talyplaryň  önümçilik  tejribeliklerine,  diplom  işlerine  we ylmy-barlag  işlerine  ýolbaşçylyk  edýärler.

        Kafedranyň düzümine şu aşakdakylar degişlidir:

       -Ýangyjyň  öndürilişi  tejribehanasy;

      - Nebitiň  we gazyň  himiýasy tejribehanasy;

      - Nebiti  we  gazy gaýtadan  işlemegiň  tehnologiýasy   tejribehanasy;

      - Himiýa tehnologiýasynyň  prosesleri  we apparatlary tejribehanasy;

      - Umumy himiýa  tehnologiýasy tejribehanasy;

      - Nebithimiýa   sinteziniň   tehnologiýasy tejribehanasy.