Ýagşygeldi  Kakaýew  adyndaky  Halkara  nebit  we  gaz  uniwersiteti  bilen  Hytaýyň  Milli  nebitgaz  korporasiýasynyň  arasynda  baglaşylan  özara düşünişmek  hakynda  Ähtnamanyň  çäklerinde, Hytaýyň  Milli  nebitgaz  korporasiýasynyň  guramagynda  uniwersitetiň 10  sany  talybyny  hem-de 1 ýolbaşçy  mugallymyny  2023-nji  ýylyň  6-27-nji  awgusty  aralygynda  Hytaý Halk Respublikasynyň  Hytaýyň  nebit  uniwersitetine  okuw  saparyna ugradyldy.

    Okuw  saparynyň  meýilnamasyna  laýyklykda  uniwersitetiň  talyplary Hytaýyň  nebit  uniwersiteti,  onuň  muzeýleri, tejribehanalary,  okuw merkezleri  bilen  tanyşdyryldy. Tejribeligiň  dowamynda  CNPC  kompaniýasyna  we  onuň  önümçilik  desgalaryna, Hytaýyň  geologiýa  muzeýine, Hytaýyň  ylym  we  tehnika  muzeýine, Beýik  Hytaý  diwaryna  baryp  gördüler. Şeýle  hem  talyplar “Hytaý diliniň esaslary”, “Hytaý  medeniýeti” boýunça  hem-de “Ýaşyl  energiýa, uglerod  zyňyndylaryny  azaltmak”,“Nebitiň  we  gazyň gelejegi”, “Ýüpek  ýoly  boýunça  energetiki hyzmatdaşlygyň gelejegi” atly  gysga  möhletli  okuwlara  gatnaşdylar. Toparyň  ýolbaşçysy  uniwersitetiň  ýaş  mugallymy  Hytaýyň  nebit  uniwersitetinde  okuw-usuly  ýetişleriniň  gurnalyşy,  okuw  meýilnamalarynyň  we  maksatnamalarynyň  düzülişi, ýerine  ýetirilişi, ylmy-barlag  işleriň  alnyp  barlyşy, ylmy-barlag işleri  geçirilýän  tejribehanalar  we  talyplaryň  ylmy-barlag  işlerine  çekilişi  hem-desanly  tehnologiýalaryň  bilim  ulgamyna  ornaşdyrylyşy  bilen giňden  tanyşdy.