Innowasiýa ylmy-okuw we önümçilik merkezi
Ýagşygeldi Kakaýew adyndaky Halkara nebit we gaz uniwersitetiniň Innowasiýa ylmy-okuw merkezi 2013-nji ýylyň 3-nji maýynda “Maglumat tehnologiýalar merkezi” ady bilen ilkinji gezek döredilip, soňra 2019-njy ýylyň 4-nji martynda ady “Innowasiýa ylmy-okuwmerkezi” diýlip üýtgedildi. 2019-njy ýylyň 7-nji iýunynda merkeziň Balkan welaýatynyň Balkanabat şäherinde Ýagşygeldi Kakaýew adyndaky Halkara nebit we gaz uniwersitetiniň Balkanabat şahamçasynyň binasynda Innowasiýa ylmy-okuw merkeziniň Balkanabatşahamçasy döredildi.
Merkeziň esasy maksady raýatlara başlangyç, hünär biliminibermek, talyplara okuwdan daşary goşmaça taýýarlyk okuwlaryny geçmek;edara-kärhanalaryň ýokary we orta bölümleriniň hünärmenlerine kompýutersowatlylygyndan başlap, hünär derejesini ýokarlandyrmak, olarygaýtadan taýýarlamak, gysga wagtly okuw kurslarygurnamak we geçirmek; başlangyç we ýokary okuw mekdebinden soňky hünärbilimlerini amala aşyrmak; ýokary okuw mekdepleriniň talyplarynyň ylmabolan höwesini artdyrmak, önümçilik maksatly dürlikiçi tejribelerigeçirmek, täze tehnologiýalary ornaşdyrmakda laboratoriýa şertlerindetejribeleri geçirmek; iri möçberli ylmy-tehniki wezipeleri bilelikdeçözmek we ýokary okuw mekdepleriniň işläp düzen täzelikleriniň önümçilikde peýdalanylyşynygiňeltmek, ykdysadyýetiň pudaklary bilen ylmy-tehniki hyzmatdaşlygyň täzegörnüşlerini ösdürmek; kompýuterleri,periferiýa gurluşlaryny we programmaüpjünçiligini işläp taýýarlamak, lomaý satmak; maglumaty işläp we saklaýjyserişdeleriň toplumyny we aragatnaşyk enjamlaryny gurnamak, düzmek,tehniki hyzmatlary etmek; nebitgaz toplumyna degişli hünärmenleriň wemugallymlaryň hünär derejesini ýokarlandyrmak, olary gaýtadantaýýarlamak; daşky gurşawy goramak boýunça kadalaşdyryjy namalary işläp taýýarlamak ýaly meseleleri merkeziň esasy iş ugurlarynyň biridir.
Innowasiýa ylmy-okuw merkezinde orta mekdep ýaşly okuwçylardan başlap, orta hünär bilimli,ýokary okuw mekdepleriň talyplary, dürli pudaklardan hünärmenleriň hünär derejesini kämilleşdiriş okuwlarynygeçýärler.
Merkez doly hojalyk hasaplaşygy, öz-özünimaliýeleşdirmek we ödemek ýörelgelerinde hereket edýär.
Merkezde ýurdumyzyň birnäçe hususyeýeçilikdäki edara-kärhanalaryň işgärleri hünär derejesini ýokarlandyryş we gaýtadan taýýarlykokuwlaryny geçýärler. Şu güne çenli Innowasiýa ylmy-okuw merkezinde “Dragоn Oil”, “Areti”, “Eni”, “BUIG”, “BKE buraw kompaniýasy”,“Western Atlas International”, “Mitsubishi Electric AG MELCO Elevator”, “Caspian Drilling Company”,“Rönesans”, “Atlas” daşary ýurt kompaniýalaryň hünärmenlerini hem-de ýurdumyzda hereket edýän hususy telekeçilige degişli “Miýesser” “MawyKenar”, “SGS”, “Ynanç Hyzmat”,“BerkAmal”, “Rowaç Hyzmat”, “Aziýa Ýollar”, “Gazyk”, “Gujurly Inžener”,“UssatInžener” we başga-da 243 sany kärhanalarynyňhünärmenleri hünär derejesini ýokarlandyryş we gaýtadan taýýarlyk okuwlaryny geçdiler we geçmeklerini dowam edýärler.
“Dragon Oil” kompaniýasy bilen Innowasiýa ylmy-okuw merkeziniň arasynda baglaşylan şertnama laýyklykda kompaniýanyň 703 sany hünärmen “Senagat howpsuzlygy boýunça işler”ugry boýunça hünär derejesini ýokarlandyryş we gaýtadan taýýarlyk okuwlarynyň birinji tapgyryny üstünlikli tamamlap, ikinji tapgyra gadam basdylar.
Innowasiýa ylmy-okuw merkeziniň Balkanabat şahamçasynda nebitgaz ugurlary boýunça edara-kärhanalaryň 70-e golaýy şertnama baglaşyp,şertnamanyň mazmunyna we meýilnama laýyklykda edara-kärhanalaryň hünärmenleriniň hünär derejesini ýokarlandyryş we gaýtadan taýýarlyk okuwlaryny geçirýär.
Innowasiýa ylmy-okuw merkezi bilen Türkmenbaşydaky nebiti gaýtadan işleýän zawodlar toplumynyň Hünär-tehniki orta mekdebi bilelikdäki özara bähbitli hyzmatdaşlyk şertnamasy esasynda Türkmenbaşynyň nebiti gaýtadan işleýän zawodlar toplumynyň hünärmenleriniň hünär derejesini ýokarlandyrmak,olary gaýtadan taýýarlamak okuwlaryny geçirilip,olary üstünlikli tamamlan diňleýjilere döwlet nusgasyndaky şahadatnamalar berilýär, okuwlar häzirki wagtda meýilnama görä, tapgyrlaýyn öz işini dowam edýär.
Innowasiýa ylmy-okuw merkezi bilen Türkmenbaşydaky nebiti gaýtadan işleýän zawodlar toplumynyň Hünär-tehniki okuw mekdebinde meýilnama we şertnama laýyklykda bilim ugrunda gazanylan dünýä tejribesi göz-öňünde tutulyp,Türkmenbaşydaky nebiti gaýtadan işleýän zawodlar toplumynyň hünärmenlerinden başga-da 2500-e golaýyny dürli daşary ýurt we ýerli kärhanalaryň hünärmenleriniň 2021-nji ýyldan başlap, 2024-nji ýylyň ahyryna çenli okatmak göz-öňünde tutulýar.
Häzirki wagtda Innowasiýa ylmy-okuw merkezinde “Sowadyjy we howa ulgamlary”, “Ekologiýahowpsuzlygy”, “Sanly tehnologiýalar we dolandyryş”, “Iňlis dili”, “Rusdili”ugurlary boýunça gysga möhletli okuwlar tölegli esasda geçirilýär.
“Burawlamagyň tehnikasy we tehnologiýasy”,“Nebit we gaz känlerini özleşdirmek we ulanmak”, “Nebitgazgeçirijilerini we nebitgazyň saklanýan ýerlerini taslamak, gurmak we ulanmak”, “Tehnik-dozimetrist”, “Nebiti we gazy gaýtadan işlemegiň himiki tehnologiýasy”, “Tehnologiýa proseslerini we önümçiligi awtomatlaşdyrmak”,“Energetika”, “Nebit we gaz geologiýasynda innowasiýa tehnologiýalarynyňesaslary”, “Nebit-gaz pudagynyň ykdysadyýeti we dolandyrylyşy”, “Senagat howpsuzlygy boýunça işler”,“Kiçi we orta işewürlik menejment”, “Maliýe hasabatlylygynyň halkara standartlary” ugurlary boýunça hünär derejesini ýokarlandyryş okuwlary hem-de “Buhgalter hasabaty”,“Buraw enjamlarynyň maşinisti”, “Nebit we gaz guýularyny burawlaýjynyň kömekçisi”, “Geofiziki we geologiki işleri boýunça dag işçisi”, “Elektrik togy we gaz bilen kebşirleýji”, “Elektromehaniki synaglaryň we ölçegleriň laboranty”, “Kompressor wenasos enjamlarynyň maşinisti”, “Nebiti we gazy gaýtadan işleýän tehnologiki gurluşlaryň operatory”,“Himiki derňewiň laboranty”, “Kätip, kompýuteriň operatory”,“Telekeçiligiň esaslary” hünär okuwlary alnyp barylýar.
Innowasiýa ylmy-okuw merkezi diňe bir okuw işleri bilen çäklenmän, eýsem ÝagşygeldiKakaýew adyndaky Halkara nebit we gazuniwersitetiniň mugallymlarynyň we talyplarynyň ylma bolan höwesini artdyrmak, ylmy-önümçilik tejribeleri geçirmek, önümçilik bähbitli işleri ýola goýmak ýaly çäreleri amala aşyrýar.
Ýokary okuw mekdepleriniň talyplarynyň ylma bolan höwesini artdyrmak, önümçilik maksatly dürli kiçi tejribeleri geçirmek, täze tehnologiýalary ornaşdyrmakda laboratoriýa şertlerinde synag tejribeleri geçirmek, iri möçberli ylmy-tehniki wezipeleri bilelikde çözmek we ýokary okuw mekdepleriniň işläp düzen täzelikleriniň önümçilikde peýdalanylyşyny giňeltmek maksady bilen,ykdysadyýetiň pudaklary bilen ylmy-tehniki hyzmatdaşlygyň täze görnüşlerini ösdürmek boýunça möhüm işleri amala aşyrýar.
Innowasiýa ylmy-okuw merkezi “Türkmenaragatnaşyk” agentligi tarapyndan berlen ygtyýarnama esasynda 2020-nji ýyldan başlap, Ýagşygeldi Kakaýew adyndaky Halkara nebit we gaz uniwersitetiniň talyplarynyň saýlap alan ugurlary boýunça hünär-bilimini kämilleşdirmek, talyplaryň ylma bolan höwesini artdyrmak, olary maddy taýdan höweslendirmek hem-de kiberhowpsuzlygy üpjün etmek bilen, programmaüpjünçilikleri döretmek we şertnama esasyndaolary kärhanalara ornaşdyrmak ugrunda birnäçe işleri alyp barýar. Häzirki wagtda ýurdumyzyň birnäçeedara-kärhanalarynda iri möçberli taslamalary durmuşa geçirip, programmaüpjünçilik toplumlaryny döredilmegi we kämilleşdirilmegi dowametdirilýär.
Innowasiýa ylmy-okuw merkezi ylmyň we tehnologiýalaryň ileri tutulýan ugurlary boýunça düýpli we amaly ylmy-barlag hem-detaslama işlerini alyp barmak; ylmy işgärleriň,professor-mugallymlaryň, talyplaryň taýýarlan ylmy işlerini,innowasiýalaryny we oýlap tapyşlaryny önümçilige ornaşdyrmak; nebitgaz toplumynyň pudaklaýyn dolandyryş kärhanalaryna sanly ykdysadyýeti we innowasiýaçözgütleri ornaşdyrmagyň ýollaryny we ugurlaryny kesgitlemek; nebiti we gazy çuňlaşdyryp gaýtadan işlemekde nebitgaz toplumynyň kärhanalary bilen bilelikde ylmy-barlag işlerini alyp barmak we ylmy taýdan esaslandyrylan teklipleri önümçilige hödürlemek ugrunda giň möçberli işleri alyp barýar. Häzirki wagtda Innowasiýa ylmy-okuw merkezi “Türkmengaz” döwlet konserni hem-de“Türkmengeologiýa” döwlet korporasiýasy bilen şertnama baglaşyp, ylmy-tehniki goldawyny bermek, oýlap tapyşlary önümçilige ornaşdyrmak ugrunda şertnamalaýyn işler ýerine ýetirildi we goşmaça şertnamalary baglaşyp, täze teklipleri önümçilige ornaşdyrmak ugrunda işler alnyp barylýar.
Habarlaşmak üçin:
- Salgysy: 744036, Türkmenistan, Aşgabat ş., Arçabil şaýoly, 8, Innowasiýa ylmy-okuw merkeziniň binasy
- Tel: (+99312)39-14-82
- Faks: (+99312)39-14-00
- E-mail: iuog@sanly.tm
- Web-saýt: iogu.edu.tm