Peýdaly  magdanlary  gözlemegiň  we barlamagyň  geofiziki  usullary  kafedrasy 2012-nji ýylda döredildi. Kafedra  Geologiýa  fakultetiniň  düzüm  bölegi  bolmak  bilen, uniwersitetiň möhüm gurluş bölümleriniň biridir.

      Kafedranyň esasy wezipesi okuw-terbiýeçilik, ylmy-barlag we taslama işlerini döwrüň talabyna laýyklykda guramak we ýola goýmak bolup durýar.

    Ýagşygeldi  Kakaýew   adyndaky Halkara nebit we gaz uniwersitetiniň Geologiýa fakultetiniň Peýdaly magdanlary gözlemegiň we barlamagyň geofiziki usullary kafedrasynda Türkmenistanyň Nebitgaz toplumynyň “Türkmengaz” döwlet   konserni, “Türkmennebit” döwlet  konserni, “Türkmengeologiýa” döwlet   korporasiýasy, Geologiki maglumatlar   merkezi  hem-de  dolandyryş  müdirlikleri  we edara-kärhanalary   üçin “Peýdaly  magdanlary gözlemegiň  we  barlamagyň  geofiziki  usullary” hünäri   boýunça  ýokary bilimli  hünärmenler  taýýarlanylýar.

      Kafedra “Peýdaly  magdanlary  gözlemegiň  we  barlamagyň geofiziki usullary” hünäri  boýunça  ýokary   bilimli dag  inženeri-geofizikleri  goýberýär.

        Kafedranyň düzümine şu aşakdakylar degişlidir:

        - Seýsmiki barlaglaryň netijelerini teswirlemek tejribehanasy;

        - Meýdan geofiziki barlag usullary tejribehanasy;

        - Guýularyň geofiziki barlaglary we petrofizika tejribehanasy;

        - Guýularyň geofiziki barlag usullary tejribehanasy.