Gidrogeologiýa  we  inžener  geologiýasy kafedrasy 2012-nji  ýylda  döredildi. Kafedra  Geologiýa   fakultetiniň   düzüm  bölegi  bolmak  bilen, uniwersitetiň  möhüm  gurluş  bölümleriniň  biridir.

      Kafedranyň  esasy  wezipesi  okuw-terbiýeçilik, ylmy-barlag  we  taslama işlerini  döwrüň  talabyna  laýyklykda guramak  we  ýola  goýmak bolup  durýar.

      Ýagşygeldi   Kakaýew  adyndaky  Halkara  nebit  we  gaz  uniwersitetiniň Geologiýa   fakultetiniň Gidrogeologiýa we  inžener geologiýasy   kafedrasynda   Türkmenistanyň  Nebitgaz  toplumynyň “Türkmengaz” döwlet   konserni, “Türkmennebit” döwlet   konserni, “Türkmengeologiýa” döwlet korporasiýasy, Türkmenistanyň Gurluşyk we binagärlik ministrligi   hem-de   taslama institutlary we  Türkmenistanyň  Ylymlar   akademiýasynyň  Seýsmologiýa    we atmosferanyň  fizikasy  instituty  üçin “Gidrogeologiýa  we inžener geologiýasy” hünäri  boýunça  ýokary   bilimli hünärmenler   taýýarlanylýar.

       Gidrogeologiýa  we inžener  geologiýasy  kafedrasy  ýokary  bilimli   dag inženeri-gidrogeologlary   goýberýär.

       Kafedranyň  düzümine şu aşakdakylar degişlidir:

       - Gidrogeohimiýa tejribehanasy;

       - Teýgum öwreniş tejribehanasy;

       - Teýgumlaryň mehanikasy tejribehanasy.