Kompressorlar  we  sowadyjy  desgalar  kafedrasy 2012-nji  ýylda  döredildi. Kafedra  Energetika we  inženerçilik  desgalary fakultetiniň  düzüm  bölegi  bolmak  bilen,  uniwersitetiň  gurluş  bölümleriniň  biridir.

        Kafedranyň esasy wezipesi okuw-terbiýeçilik,  ylmy-barlag  we taslama işlerini döwrüň  talabyna laýyklykda  guramak we ýola goýmak bolup durýar.

      Ýagşygeldi  Kakaýew  adyndaky  Halkara  nebit  we  gaz  uniwersitetiniň   Energetika  we  inženerçilik  desgalary  fakultetiniň Kompressorlar  we  sowadyjy  desgalar  kafedrasynda  Türkmenistanyň   Nebitgaz   toplumynyň   “Türkmengaz”   döwlet   konserni, “Türkmennebit”  döwlet   konserni,   “Türkmengeologiýa”   döwlet   korporasiýasy   hem-de    beýleki   pudaklaýyn   dolandyryş  müdirlikleri we  edara-kärhanalary  üçin  “Sowadyjy,   kompressor  maşynlary  we  desgalary”,  “Gazturbina  desgalary  we  gazkompressor stansiýalary”  hünärleri  boýunça   ýokary  bilimli  hünärmenler  taýýarlanylýar.

      “Gazturbina  desgalary  we  gazkompressor  stansiýalary” hünäri boýunça Owganystanly  talyplar hen bilim alýarlar.

     Kafedra  “Sowadyjy,  kompressor  maşynlary  we  desgalary”   we   “Gazturbina  desgalary  we  gazkompressor  stansiýalary” hünärleri  boýunça  ýokary  bilimli  inžener-mehanikleri   goýberýär.

        Kafedranyň  düzümine  şu  aşakdakylar  degişlidir:

      - Sowadyjy,  kompressorlar  we  nasos desgalary  tejribehanasy;

      - Sowadyjy  desgalary awtomatlaşdyrmak  we  ulanmak  tejribehanasy;

      - Ýylylyk   tehnikasy  we  energiýanyň  adaty däl çeşmeleri tejribehanasy;

      - Ýylylyk,  gaz üpjünçiligi we howaçalşygy tejribehanasy.