Nebit  we  gaz  känleriniň  maşynlary  we   enjamlary  kafedrasy   2013-nji   ýylda   döredildi.  Kafedra  Energetika  we inženerçilik desgalary  fakultetiniň  düzüm  bölegi  bolmak  bilen,  uniwersitetiň  gurluş   bölümleriniň  biridir.

      Kafedranyň  esasy  wezipesi  okuw-terbiýeçilik,  ylmy-barlag  we  taslama  işlerini  döwrüň  talabyna   laýyklykda  guramak  we ýola  goýmak  bolup  durýar.

       Ýagşygeldi    Kakaýew  adyndaky  Halkara   nebit  we  gaz  uniwersitetiniň  Energetika  we  inženerçilik  desgalary  fakultetiniň Nebit  we  gaz   känleriniň  maşynlary  we  enjamlary  kafedrasynda  Türkmenistanyň   Nebitgaz   toplumynyň   “Türkmengaz”  döwlet  konserni,  “Türkmennebit”  döwlet  konserni,  “Türkmengeologiýa” döwlet  korporasiýasy  hem-de  dolandyryş müdirlikleri we  edara-kärhanalary  üçin  “Nebit,  gaz  känleriniň  maşynlary  we  enjamlary”  hünäri  boýunça  ýokary  bilimli  hünärmenler, “Tehnologiki  maşynlar  we  enjamlar”  taýýarlyk  ugry  boýunça   bakalawrlar   taýýarlanylýar.

       Kafedra   “Nebit,  gaz  känleriniň  maşynlary  we  enjamlary”  hünäri   boýunça  ýokary  bilimli   inžener-mehanikleri,  “Tehnologiki maşynlar  we enjamlar”  taýýarlyk  ugry boýunça  bakalawrlary goýberýär.

     Kafedranyň  düzümine  şu  aşakdakylar degişlidir:

   - “ZJ-70 DBS” kysymly buraw desgasynyň makedi;

   - Çuňlukdan nebit sorujy enjamyň stendi;

   - Buraw enjamlary;

   - 1 sany kompýuter otagy.