Fizika  we elektronika  kafedrasy 2012-nji  ýylda döredildi. Kafedra  Energetika  we  inenerçilik  desgalary fakultetiniň  düzüm  bölegi bolmak bilen, uniwersitetiň gurluş bölümleriniň biridir.

     Kafedranyň  esasy wezipesi  ylym-bilim we  terbiýeçilik  işlerini  döwrebap  guramakdan,  usuly  görkezmeleriň,  gollanmalaryň  okuw-usulyýet,  ylmy-barlag  we beýleki  işleriň esasy görnüşlerini düzgünleşdirmekden   we  olaryň esasynda  ýokary  bilimli   hünärmenleri taýýarlamakdan  ybaratdyr.

      Fizika  dersi  tehniki  ýokary  okuw  mekdeplerinde  energetika,  nebitgaz,  geologiýa,  kompýuter,  kibernetika  we  beýleki  inženerçilik ugurlary  boýunça  bilim  alýan  talyplar üçin derwaýys bolup durýar.

      Fizika  we elektronika    kafedrasynyň  professor-mugallymlary  uniwersitetiň  ähli  fakultetleriniň  talyplaryna  fizika  derslerinden umumy,  amaly  we tejribe  okuw  sapaklary  boýunça  bilim  berýärler.  Bu  bolsa  ylmy-barlag  we  taslama  işlerini   talabalaýyk ýerine ýetirmekde  uly  ýardam  bermek  bilen, hünärmenleriň  inžener-tehniki  taýýarlygynda  esasy orna eýedir.

        Fizika  we  elektronika  kafedrasynda  yzygiderli  okuw-usuly  we  ylmy  seminarlar  geçirilýär.

        Kafedranyň  düzüm  bölegine  aşakdakylar degişlidir:

     - EM-01 Mehanikawe akustika tejribehanasy;

     - EM-02 Molekulýar fizikasynyň termodinamikasy  tejribehanasy;

     - EM-03 Elektrik  we magnetizm tejribehanasy;

     - EM-04 Geometrik we tolkun optikasy tejribehanasy;

     - EM-05 Atom ýadrosynyň fizikasy tejribehanasy;

     - EM-20 Himiýa önümçiliginiň maşynlary we enjamlary tejribehanasy.