Jemgyýeti   öwreniş   ylymlary   kafedrasy   2012-nji   ýylda  döredildi. Kafedra  Himiýa  tehnologiýasy  we  ekologiýa  fakultetiniň düzüm  bölegi  bolmak bilen,   uniwersitetiň   gurluş   bölümleriniň   biridir.

       Berkarar döwletiň täze eýýamynyň Galkynyşy döwründe talyp  ýaşlary  watançylyk  ruhunda  terbiýelemek,  olara  edep-terbiýe bermek,   ata-babalarymyzdan   gelýän   däp-dessurlarymyzy   öwretmek,  adam-jemgyýet,  jemgyýet-tebigat   gatnaşyklaryny düşündirmek,  halkymyza,  Watanymyza,  Hormatly  Prezidentimize   wepaly,  watansöýüji,  päk  ahlakly,  giň  dünýä  garaýyşly kämil şahsyýeti  kemala  getirmek  kafedranyň  esasy  wezipesi  bolup   durýar.

      Jemgyýeti  öwreniş  ylymlary    kafedrasynyň   professor-mugallymlary  uniwersitetiň  ähli  fakultetleriniň  hünärmenleri,   bakalawrlary we  magistrleri  üçin   “Filosofiýa”,   “Sosiologiýa”,   “Syýasaty   öwreniş”,   “Ykdysady   nazaryýet”,   “Türkmenistanyň   taryhy”, “Türkmenistanyň   kanunçylygynyň   esaslary”,   “Häzirki  zaman  türkmen  jemgyýeti”   okuw   dersleri  boýunça  umumy we   söhbet sapaklaryny   geçýärler. 

      Jemgyýetçilik   ylymlarynyň   täze   nazaryýet  we  usulyýet   esaslaryndan   ugur  alyp,   kafedranyň   mugallymlary   ýurdumyzda bolup geçýän düýpli   özgerişleri   ylmy   taýdan   esaslandyrmak   işine   hem işjeň    gatnaşýarlar.

      Kafedranyň    professor-mugallymlary    Hormatly   Prezidentimiz   Serdar  Berdimuhamedowyň    içeri     we  daşary  syýasatyny,  ösüş   arkaly   parahatçylygy   gazanmaklyga   goşýan   goşandyny,   şeýle   hem   Türkmenistan   dadurmuş-ynsanperwer   ylymlaryny ösdürmegiň   Döwlet   maksatnamasyny  we   ony amala  aşyrmak  boýunça  ýerine  ýetirmeli    çäreleriň   meýilnamasynda    görkezilen  wezipeleri   wagyz  etmek   boýunça uniwersitetiň   mugallymlary   we   talyp   ýaşlary   üçin   ylmy   seminarlary   yzygiderli    geçirýärler.