Nebitsenagat  enjamlary  kafedrasy  2012-nji  ýylda  döredildi. Kafedra  Balkanabat  bölüminiň  Nebitsenagaty  fakultetiniň  düzüm  bölegi  bolmak  bilen,  uniwersitetiň  möhüm  gurluş  bölümleriniň  biridir.

        Kafedranyň  esasy  wezipesi  okuw-terbiýeçilik,  ylmy-barlag  we  taslama  işlerini  döwrüň  talabyna  laýyklykda  guramak  we  ýola goýmak  bolup  durýar.

       Ýagşygeldi  Kakaýew  adyndaky  Halkara  nebit  we  gaz  uniwersitetiniň  Balkanabat  bölüminiň  Nebitsenagaty  fakultetiniň  Nebitsenagat   enjamlary   kafedrasynda Türkmenistanyň  Nebitgaz   toplumynyň  “Türkmengaz”  döwlet  konserni,  “Türkmennebit”  döwlet  konserni,  “Türkmengeologiýa”   döwlet   korporasiýasy  hem-de  dolandyryş  müdirlikleri  we edara-kärhanalary  üçin  “Nebit-gaz känlerini  özleşdirmek  we  ulanmak”,  “Nebitgazgeçirijilerini  we  nebitgazyň   saklanýan   ýerlerini  taslamak, gurmak we ulanmak” hünärleri  boýunça  ýokary  bilimli  hünärmenler   taýýarlanylýar.

        Kafedra    “Nebit-gaz  känlerini  özleşdirmek  we ulanmak”   hünäri   boýunça   ýokary   bilimli   dag   inženerlerini  we  “Nebitgazgeçirijilerini   we nebitgazyň  saklanýan   ýerlerini   taslamak,  gurmak  we  ulanmak”   hünäri   boýunça  ýokary bilimli  inžener-mehanikleri  goýberýär.

       Kafedranyň  düzümine şu aşakdakylar degişlidir:

     - Nebit-gaz çykarmagyň,  taýýarlamagyň,   ugratmagyň  tehnikasy we tehnologiýasy tejribehanasy;

   - “Türkmennebit”  döwlet  konserniniň  “Nebitgazylmytaslama”  institutynda  Nebitgaz we  himiýa  tehnologiýasy  binýatlyk  kafedrasy.