Ýagşygeldi Kakaýew adyndaky Halkara Nebit we Gaz uniwersiteti 2023—2024-nji okuw ýylynda okuwa girmäge isleg  bildirýän ýaşlary uniwersitet bilen  tanyşdyrmak maksady bilen  «Açyk Gapylar» gününi geçirýändigini   habar berýär.

    “Açyk gapylar” gününde ýaşlar Hormatly Prezidentimiziň ýurdumyzyň ylym-bilim ulgamyny ösdürmek baradaky alyp barýan syýasatynyň uniwersitetimizde durmuşa geçirilişi, ýokary bilim ulgamynda gazanylan üstünlikler, okuwlaryň guralyşy, taýýarlyk ugurlary, olara degişli hünärler, uniwersitetde alnyp barylýan okuw-terbiýeçilik, medeni-köpçülik işleri hem-de okamak, ýaşamak, medeniýetli dynç almak, sport bilen meşgullanmak üçin döredilen zerur şertler we uniwersitetiň dünýä standartlaryna laýyk gelýän okuw otaglary, häzirki zaman tehnologiýalary bilen abzallaşdyrylan tejribe otaglary, maglumat tehnologiýalar merkezi, sport toplumy, ähli amatlyklary bolan umumy ýaşaýyş jaýlary bilen tanyşdyrylar. «Açyk gapylar» güni uniwersitetde we uniwersitetiň Balkanabat bölüminde 2023-nji ýylyň 26-njy aprelinde we 3-nji maýynda sagat 15:00-da başlanýar.

     Uniwersitetiň salgysy: Aşgabat şäheri, Arçabil şaýolunyň 8-nji jaýy.Habarlaşmak üçin telefonlar: 39-13-05, 39-13-18.     

     Uniwersitetiň Balkanabat bölüminiň salgysy: Balkanabat şäheri, G.Annaýewköçesiniň 76-njy jaýy. Habarlaşmak üçin telefonlar: 4-93-62,  2-19-98.