Ýagşygeldi Kakaýew adyndaky Halkara nebit we gaz uniwersitetinde IV Halkara açyk informatika internet olimpiadasy geçirilýär

   Ýagşygeldi Kakaýew adyndaky Halkara nebit we gaz uniwersiteti 2026-njy ýylyň 15-16-njy aprelinde ýurdumyzyň we daşary ýurtlaryň ýokary okuw mekdepleriniň talyplarynyň arasynda IV Halkara açyk informatika internet olimpiadasyny geçirýär we ähli isleg bildirýän talyplary bu olimpiada işjeň gatnaşmaga çagyrýar.

IV Halkara açyk informatika internet olimpiadasy şahsy we toparlaýyn bäsleşikler görnüşinde geçirilýär.

IV Halkara açyk informatika internet olimpiadasynyň resmi iş dilleri–türkmen, rus we iňlis dilleri.

Olimpiada talyplar öz hünärine we ýylyna garamazdan gatnaşyp bilýärler. Olimpiada “moodle” platformasynda geçiriler.

Olimpiadanyň geçiriliş tertibi:

- olimpiada şahsy we toparlaýyn bäsleşik görnüşde geçiriler we oňa her ýokary okuw mekdebi boýunça gatnaşýan talyplaryň sany çäklendirilmeýär;

- olimpiadanyň gatnaşyjylarynyň şahsy netijelerine laýyklykda ýokary okuw mekdepleriň jemi toplan utuklaryna görä toparlaýyn bäsleşigiň netijeleri jemlener;

- olimpiadada jemi 10 ýumuş berler we bu ýumuşlar algoritmik programmirleme, maglumatlary seljermek, emeli aň we kiberhowpsuzlyk ýaly ugurlary öz içine alýar.

- olimpiada gatnaşýan talyp ýumuşlary özbaşdak çözmeli;

- olimpiadada hödürlenýän ýumuşlary ýerine ýetirmek üçin jemi 120 minut wagt berilýär;

- olimpiadanyň ýumuşlary Ýagşygeldi Kakaýew adyndaky Halkara nebit we gaz uniwersiteti tarapyndan düzülip, eminler topary bilen ylalaşylýar;

- olimpiadanyň ýumuşlaryny ýerine ýetirmek üçin gatnaşyjylar internet torundan, dürli programmirleme dillerinden we emeli aň tehnologiýalaryndan erkin peýdalanyp bilerler;

- eminler topary olimpiada gatnaşýan talyplaryň işlerini bahalandyrýar we netijelerini jemleýär;

- Ýagşygeldi Kakaýew adyndaky Halkara nebit we gaz uniwersiteti tarapyndan ýörite işlenilip düzülen milli programma üpjünçiligi arkaly toplanan ballaryň jemi boýunça olimpiadanyň şahsy we toparlaýyn ýeňijileri kesgitlenilýär;

- olimpiadanyň ýeňijileri: 1-nji, 2-nji we 3-nji derejeli diplomlar bilen sylaglanýar;

- ýeňijileriň umumy sany gatnaşyjylaryň 50%-den geçmeli däldir. diplomlar 1:2:3 gatnaşykda bolmaly;

- toparlaýyn bäsleşigiň netijelerine laýyklykda ýokary okuw mekdepleriň toparlarlary 1-nji, 2-nji we 3-nji derejeli diplomlar bilen sylaglanýar;

- olimpiadanyň ýeňijileri barada maglumat uniwersitetiň web sahypasynyň ýörite bölüminde ýerleşdiriler;

- olimpiadanyň geçişine “zoom” programmasyna birikdirilen kameralar arkaly gözegçilik alnyp barlar.

Olimpiada degişli goşmaça maglumatlar we bildirişler uniwersitetiň web sahypasynyň ýörite bölüminde ýerleşdiriler.

Olimpiada gatnaşmaga isleg bildirýän ýokary okuw mekdebiniň talyplarynyň sanawyny nusga laýyklykda (1-nji goşundy) taýýarlap 2026-njy ýylyň 10-njy apreline çenli hngu.olimp@gmail.com elektron salgysyna ugratmaly.

Habarlaşmak üçin:

Tel: +993 12 39 13 36, +993 65 67 51 31, +993 12 39 14 57, +993 65 62 59 33, +993 12 39 13 18, +993 64 02 25 21

E-mail: hngu.olimp@gmail.com