Elektrik   üpjünçiligi   we   awtomatika    kafedrasy    2012-nji   ýylda   döredildi.  Kafedra  Energetika we inženerçilik desgalary fakultetiniň  düzüm   bölegi  bolmak bilen, uniwersitetiň  gurluş bölümleriniň biridir.

       Kafedranyň  esasy  wezipesi  okuw-terbiýeçilik,   ylmy-barlag   we   taslama   işlerini  döwrüň   talabyna   laýyklykda   guramak we ýola   goýmak bolup durýar.

        Ýagşygeldi   Kakaýew   adyndaky   Halkara   nebit we  gaz  uniwersitetiniň   Energetika   we inženerçilik   desgalary fakultetiniň Elektrik   üpjünçiligi   we   awtomatika   kafedrasynda   “Elektrik  üpjünçiligi”,   “Senagat   desgalarynyň   we   tehnologik toplumlaryň elektro   hereketlendirilişi   hem-de   awtomatikasy”   hünärleri   boýunça   ýokary  bilimli   hünärmenler,    “Elektroenergetika  we elektrotehnika”   taýýarlyk  ugry   boýunça   bakalawrlar    taýýarlanylýar.

         Elektrik  üpjünçiligi   we awtomatika   kafedrasy   ýurdumyzyň    Nebitgaz    toplumynyň   “Türkmengaz”  döwlet   konserni, “Türkmennebit”    döwlet   konserni, “Türkmengeologiýa”    döwlet  korporasiýasy hem-de   dolandyryş   müdirlikleri  we  edara-kärhanalary,   ýangyç-energetika   pudagy  üçin ýokary   hünärli   inženerleri  we  bakalawrlary   goýberýär.       

      Kafedranyň düzümine şu aşakdakylar degişlidir:

    - Elektrotehnikanyň nazary esaslary tejribehanasy;

    - Senagat elektronikasy tejribehanasy;

    - Elektrotehniki  materiallar tejribehanasy;

    - Elektrotehnika  we  elektronikanyň  esaslary tejribehanasy;   

   -  Elektrik üpjünçiligi tejribehanasy;

    - Elektrik  maşynlary tejribehanasy;

    - Rele  goragy we awtomatika tejribehanasy;

    - Elektrik stansiýalar we podstansiýalar tejribehanasy;

    - Elektrik setleri we ulgamlary tejribehanasy;

    - Mikroelektronika we ýarym geçiriji enjamlar tejribehanasy;

   -  Awtomatlaşdyrylan ulgamlary taslamak tejribehanasy;

   - Mikroelektronika we mikroprosessorlar tejribehanasy;

   - Tehnologik prosesleri awtomatlaşdyrmak tejribehanasy;

   - Mikroshemotehnika tejribehanasy;

   - Mikroelektronikanyň tehnologiýasy tejribehanasy;

   - Awtomatlaşdyrylan  elektrik  hereketlendiriji  we tehniki ölçegler tejribehanasy;

  - Türkmenistanyň  Ylymlar akademiýasynyň Tehnologiýalar  merkezinde  Elektriküpjünçiligi  we awtomatika  binýatlyk   kafedrasy.