2024-nji ýylyň 5-nji martynda Ýagşygeldi Kakaýew adyndaky Halkara nebit we gaz uniwersitetiniň uly mejlisler zalynda Halkara zenanlar güni mynasybetli Türkmenistanyň Prezidentiniň adyndan pul sowgatlary gowşurylyş dabarasy geçirildi. Türkmenistanda, her ýyl Halkara zenanlar güni mynasybetli ýurdumyzyň ähli gyz-gelinlerine, ak saçly ene-mamalaryna hormatly Prezidentimiziň adyndan pul sowgadynyň berilmegi biziň ata Watanymyzda zenan maşgala uly hormat goýulýandygynyň aýdyň mysalydyr.