Ýagşygeldi Kakaýew adyndaky Halkara nebit we gaz uniwersiteti 2025-nji ýylyň mart aýynyň 5-ne orta mekdepleriň okuwçylarynyň arasynda matematika dersi boýunça «Zehinli ýaş matematikler» atly olimpiadany geçirýär we mekdep okuwçylaryny olimpiada işjeň gatnaşmaga çagyrýar.

    Ýagşygeldi Kakaýew adyndaky Halkara nebit we gaz uniwersiteti 2025-nji ýylyň mart aýynyň 5-ne orta mekdepleriň okuwçylarynyň arasynda matematika dersi boýunça «Zehinli ýaş matematikler» atly olimpiadany geçirýär we mekdep okuwçylaryny olimpiada işjeň gatnaşmaga çagyrýar.

    Bu olimpiadanyň geçirilmegi özbaşdak pikirlenip we mesele çözüp bilýän

aýratyn zehinli okuwçylaryň öz zehinlerini açyp görkezmeklerine, olaryň matematikanyň dürli ugurlary bilen gyzyklanmalarynyň artmagyna ýardam berer.

    Olimpiada şahsy bäsleşik görnüşinde II tapgyrda geçiriler:

    a) Olimpiadanyň birinji tapgyry test görnüşinda onlayn tertibinde 2025-nji ýylyň mart aýynyň 5-ne sagat 10:00;-da geçiriler;

    b) Olimpiadanyň ikinji tapgyry ýumuş bermek arkaly Ýagşygeldi Kakaýew adyndaky Halkara nebit we gaz uniwersitetiniň V okuw binasynda 2025-nji ýylyň mart aýynyň 25-ne sagat 10:00-da geçiriler.

    Olimpiada orta mekdepleriň we aýratyn çuňlaşdyrylyp okadylýan mekdepleriň uçurym okuwçylary gatnaşyp bilerler.

    Ýörite işlenilip düzülen milli programma üpjünçiligi arkaly okuwçylaryň toplan ballarynyň jemi boýunça olimpiadanyň şahsy ýeňijileri kesgitlenilýär.

    Olimpiada degişli goşmaça maglumatlar we bildirişler uniwersitetiň IOGU.edu.tm web sahypasynyň ýörite bölüminde ýerleşdiriler.

    Olimpiada gatnaşmaga isleg bildirýän mekdep okuwçylarynyň sanawyny nusgalaýyklykda jogapkär mugallymlar Gatnaşyjynyň hasaba alnyş maglumatyny (1-njigoşundy) anyk, dogry doldurmaly we 2025-nji ýylyň mart aýynyň 3-ne çenliBäsleşigiň guramaçylyk toparynyň hngu.olimp@gmail.com elektron salgysyna ugratmaly.

Habarlaşmak üçin:

Tel: +993 12 39 14 09, +99365 53 20 86, +993 65 57 57 56

e-mail:  hngu.olimp@gmail.com