Kanselýariýanyň işiniň esasy ugurlary

Kanselýariýanyň esasy işleri:

• uniwersitetde iş dolandyrylyşynyň işini guramak;
• uniwersitetde resminamalary alyp barmagyň birkysmy görnüşini üpjün etmek;
• uniwersitetiň bölümlerinde degişli işleri dolandyryşyň usulyýetini guramak;
• arhiwe gowşurmak üçin resminamalaryň öz wagtynda ýerine ýetirilmegine we taýýarlanmagyna gözegçilik etmek;
• resminamalar bilen işlemegiň görnüşlerini we usullaryny gowulandyrmak.

Kanselýariýanyň funksiýalary:

• uniwersitetde iş dolandyrylyşyny alyp barmak;
• gelýän we gidýän hatlaryň öz wagtynda işlenmegini, barmaly ýerine gowşurylmagyny üpjün etmek;
• resminamalaryň ýerine ýetiriliş möhletine, olaryň dogry taýýarlanmagyna gözegçilik etmek;
• resminamalary bellige alyş, hasaba alyş, saklanyş we degişli bölümlere geçirmek boýunça işleri guramak;
• uniwersitetde iş dolandyrylyşy alyp barmak boýunça görkezmeleri işläp düzmek we olary durmuşa geçirmek;
• uniwersitetiň bölümlerinde iş dolandyrylyşyny guramagyň usuly görkezmelerini işläp taýýarlamak;
• işleriň amala aşyrylmagyna gözegçilik etmegiň netijelerine esaslanýan resminamalary ýerine ýetirmegiň möhletleriniň berjaý edilişi barada hasabatlary taýýarlamak.

Kanselýariýanyň hukuklary:

• kanselýariýanyň ygtyýarlyklaryna degişli meseleler boýunça uniwersitetiň gurluş bölümlerine görkezmeler bermäge;
• uniwersitetiň gurluş bölümlerinden aşakdakylary talap etmäge:
• resminamalar bilen işlemek üçin kesgitlenen düzgünleriň dogry ýerine ýetirilmegine;
• resminamalaryň, görkezmeleriň we çözgütleriň ýerine ýetirilişi barada maglumat almaga;
• tabşyryklary we çözgütleri öz wagtynda ýerine ýetirmäge;
• iş dolandyrylyşyň düzgünleri bozulyp, pes hilli taýýarlanan resminamalary düzetmek üçin yzyna gaýtarmaga we berlen bellikleri göz öňünde tutup, resminamalaryň gaýtadan düzedililşini gözegçilikde saklamaga;
• uniwersitetiň gurluş bölümlerinde iş dolandyrylyşynyň guralyşyna barlag geçirmäge;
• kanselýariýanyň ygtyýarlyklaryna degişli meseleler boýunça maslahat (düşündiriş, teklip) bermäge.

Habarlaşmak üçin:

• Salgysy: 744036, Türkmenistan, Aşgabat ş., Arçabil şaýoly, 8, Baş bina, 3-nji gat, otag 313
• Tel: (+99312) 39-14-15
• Faks: (+99312) 39-14-00
• E-mail: iuog@sanly.tm
  
• Web-saýt: iogu.edu.tm