Türkmenistanyň sport äleminde belent abraýa eýe bolmagy Hormatly Prezidentimiziň baştutanlygynda bu ugra aýratyn üns berilýändigini aýdyň görkezýär. Ýurdumyzda çempionatlar ýokary guramaçylyk derejesinde geçirilýär.

         Ýaşlary bedenterbiýe we sport bilen meşgullanmaga giňden çekmekde, sagdyn durmuş ýörelgelerini wagyz etmekde Ýagşygeldi Kakaýew adyndaky Halkara nebit we gaz uniwersitetiniň mugallymlary netijeli işleri alyp barýarlar. Olar bedenterbiýäniň we sportuň sazlaşykly ösmegine we ýaş türgenleriň kemala gelmegine mynasyp goşantlaryny goşýarlar.

        “ArkadagSerdarly bagtyýar ýaşlar ýyly” diýlip yglan edilen 2023-nji ýylyň 15-16-njy fewralynda Lebap welaýatynda geçirilen sportuň Sambo we Söweş sambo görnüşleri boýunça Türkmenistanyň  çempionatyna gatnaşyp, Ýagşygeldi Kakaýew adyndaky Halkara nebit we gazuniwersitetiniň Ykdysadyýet we dolandyryş fakultetiniň 4-nji ýyl talyby Babekow Niýazmyrat sportuň sambo görnüşinden çykyş edip, 64 kg agramda I orna mynasyp boldy.

         Energetika we inženerçilik desgalary fakultetiniň 3-nji ýyltalyby Mämmetgurbanow Mämmetgurban sportuň Söweş sambo görnüşi boýunça üstünlikli çykyş edip, 88 kg agramda I orna mynasyp boldy.

         Bu üstünlikler ýurdymyzda sportuň täze belentliklere çykmagy üçin öňde goýlan wezipeleriň üstünlikli durmuşa geçirilýändigini aýdyň beýan edýär.