![img](http://iogu.edu.tm/storage/652/HDA_9485.jpg)
Woleýbolçylaryň üstünlikleri
Hormatly Gahryman Arkadagymyz, Arkadagly Gahryman Serdarymyz ýurdumyzda sporty ösdürmäge, ýaşlaryň sportuň dürli görnüşleri bilen meşgullanmaklaryna uly ähmiýet berýär, ýurdumyzda dünýä ülňülerine laýyk gelýän sport desgalary gurlup ulanylmaga berilýär. Bu sport desgalarynda türgenleşikler we dürli ýaryşlar yzygiderli geçirilýär.
“Arkadag Serdarly bagtyýar ýaşlar ýyly”diýlip atlandyrylan 2023-nji ýylyň 16-17-nji sentýabrynda şanly Garaşsyzlygymyzyň 32 ýyllygy mynasybetli sportuň woleýbol görnüşi boýunça Bäherden etrabynyň açyk çempionatynda Ýagşygeldi Kakaýew adyndaky Halkara nebit we gaz uniwersitetiň “Nebitçi” woleýbol ýygyndy topary çykyş edip, baýrakly I orna mynasyp boldy.
2023-nji ýylyň 11-19-njy sentýabry aralygynda Türkmenistanyň Magtymguly adyndaky Yaşlar guramasynyň ÝUNESKO-nyň Bütindünýä Yaşlar jemgyýetiniň resmi agzalygyna kabul edilmegi, şeýle hem “Halkara talyplar sporty güni” mynasybetli Türkmen döwlet bedenterbiýe we sport institutynda ýurdumyzyň ýokary okuw mekdepleriniň talyplarynyň arasynda geçirilen “Arkadag Serdarly bagtyýar ýaşlaryň sport, sagdyn durmuş baş ýörelgesidir” atly köpçülikleýin bedenterbiýe-sport, sagdyn durmuş, medeni çäreleriniň çäginde sportuň woleýbol görnüşi boýunça ýaryş geçirildi. Ýaryşda Ýagşygeldi Kakaýew adyndaky Halkara nebit we gaz uniwersitetiniň “Nebitçi” woleýbol ýygyndy topary çykyş edip, baýrakly I orna mynasyp boldy.
2023-nji ýylyň 01-10-njy noýabry aralygynda Türkmenistanyň ýokary okuw mekdepleriniň talyplarynyň arasynda geçirilen “Türkmenistan– ruhubelentligiň we sagdynlygyň ýurdy” atly XIII Uniwersiadada Ýagşygeldi Kakaýew adyndaky Halkara nebit we gaz uniwersitetiniň “Nebitçi” woleýbol topary üstünlikli çykyş edip, I orna mynasyp boldy.
Bu üstünlikler gelejekde ýaşlary has hem ýokary netijeleri gazanmaga ruhlandyryp, olarda guwanç, buýsanç duýgularyny döredýär.